Овојпат тренинзите се поделени во ДВА левели. За почетници и за напредни вежбачки :)

Исто така, освен мене, во оваа програма ќе гледаш како вежбаат и други девојки од Армијата.

Дополнително, паричниот фонд за награди е поголем (700 евра). Штом заврши 8мата седмица, ќе избираме три најдобри трансформации. Прво место ќе добие 400 евра, второ место 200 евра и трето место 100 евра.

Исто така овојпат, има КОМПЛЕТНО НОВО мени со рецепти што ќе задоволат сечиј вкус. 

Во програмата ќе видиш и комплетно нови инструкциони видеа во коишто ќе ти покажам како ПРАВИЛНО се изведуваат вежбите.

Овојпат програмата ќе трае 8 седмици. Но, пристап до неа ќе имате 16 седмици.

Пристап до материјалите ќе имаш 16 недели од официјалниот старт.

Пријавувањето започнува на 7ми Февруари, а ќе трае се до 13ти Февруари, за веќе од 14ти Февруари сите девојки да имате пристап до програмата, планот за исхрана и вежби, како и ФБ групата.

Заради ситуацијата во која се наоѓаме, решив и овојпат да ги прилагодам цените и да ги направам програмите достапни речиси за сите. Затоа оваа есен цената за една програма изнесува 2 рати х 890 ден на месец или 1590 денари за еднократна уплата.

Може. Сите оние кои ќе ја уплатат цела програма наеднаш добиваат и попуст, па цената на цела програма 1590 денари.

Уплатата се врши Онлајн со картичка со клик на едно од копчињата “купи сега“ на оваа страница. Доколку некоја од вас нема или не може да плати од сопствената картичка, нема да биде проблем да уплати од друга. Може да се уплати од било кое место во светот.

Уплатата може да се изведе на рати или еднократно. Уплатата на рати е автоматизирана и се изведува на следниот начин:
Рата 1: При регистрација
Рата 2: 30 дена после првата уплата.

Уште еднаш, втората рата ќе биде наплатена автоматски од картичката со којашто е направена првата уплата. После втората рата наплатата запира и повеќе нема да биде користена картичката од системот. Плаќањето е 100% сигурно и безбедно.

Претпознатлива по ''Слабееме Најадени'' , брзи, едноставни и премногу вкусни рецепти.(Менито не е само за девојки кои сакаат да намалат, туку и оние кои сакаат да накачат мускулна маса).

Мислам дека девојките посебно ме почитуваат заради овој дел и предизвик ми е секој пат да ги изненадам. Кога ќе ми речат дека едвај чекаат да станат за да си го направат рецептот, јасно ми е дека ќе има нов бран на успешни трансформации. Храна е уметност и никогаш нема да дозволам да имаме досадно мени без разлика што се храниме здраво. Тука сум да докажам дека здравата храна е дааалеку повкусна од она на кое сте навикнати. Менито е прилагодено на Македонскиот стандард, без скапи и тешко достапни продукти. Ќе има мени и за вегетаријанци :)

Веќе спомнав дека програмите се направени во 2 нивоа, па така и секој месец се зголемува интензитетот на вежбите. Вежбите се предвидени да се прават дома, во парк, сала или било каде и да ти одговара.

Без разлика дали си почетник или веќе тренираш имаме вежби за тебе. Верувај ми многу овој пат, знам што ти спремив!

Исхраната е идеална за сите, вежбите се оние за кои чуствувам голема одговорност пред да кажам ДА и секако прво треба да се консултирате со лекар. Како и да е, овие програми НЕ се предвидени за трудници без разлика што имате зелено светло од доктор.

Нема да скријам дека премногу мајки се веќе дел од моите програми и немаат никаков проблем со доењето, но сепак чуствувам голема одговорност и ќе ве советувам најпрво да се консултирате со лекар пред да започнете со мојата програма.

Предизвикот е мини водич со далеку поинтензивни вежби од основните програми кои не ги препорачувам да се изведуваат на долг рок, а затоа и се вика предизвик, целта е за еден месец, сите оние кои биле ''заспани'' преку целата година, да го извадат најдоброто за пократок временски период. Добрата страна е дека успеваат во тоа, лошата е дека се што преинтензивно е преризично за долг рок, затоа и трае само 30 дена. Целта со основните програми, покрај исхраната и вежбите, ми е да ве научам ова да ви стане начин на живот. Школото кое ќе го добиете во програмите е нешто што нема да го најдете во ниеден предизвик, затоа се разликува и цената. Целото мое искуство ви го пренесувам преку осум неделните програми.

Верувам дека поглемиот дел од вас веќе знаат што можат да очекуваат, но доколку си нова на мојот сајт и профил во продолжение ќе споделам дел од трансформациите и тестомонијали од девојките кои се дел од моите програми. Повеќе можеш да видиш и на овој линк: https://anastojanova.com/rezultati/

Оваа веб страна нуди фитнес и нутриционистички содржини и е наменета само за образовни цели. Овие информации не можат да ги заменат професионалните медицински совети, дијагноза или третман. Ако имаш загриженост или прашања во врска со твоето здравје, секогаш треба да се консултираш прво со твојот лекар. Не занемарувај, избегнувај или одложувај добивање на медицински или здравствени совети од твојот лекар поради нешто што можеби си го прочитала на оваа страница. Користењето на сите содржини и програми прикажани на https://anastojanova.com е само на твоја, сопствена отговорност.